• Bəsdi, bu naləvü fəryad kim, ol yar hanı,
• Bütün aləmdədi ol yar, bəs əğyar hanı?
• Qeyrəti-eşqin odu yaxdı bütün əğyarı,
• Bir açıq göz gərək olsun, görə dildar hanı.
• Sirri-vəhdətdir ki, hər zərrədə göftarə gəlir,
• Pirlər piri olan vaqifi-əsrar hanı? 
• Aləmin zərrəsi ayineyi-timsali-həbib,
• Bunca əsrarı görən maili didar hanı. 
• Dəhr bazarında ol Yusifi-Kənan gəlib,
• Bəs vəfapişə gözəllərdə xiridar hanı? 
• Xəstə dillərdən ötür gəlsədə İsayi-zaman,
• Hanı bimar düşən, ya dili bimar hanı? 
• Kim ki, bidar qalır, dövləti bidar aparır,
• Görünər can gözə, bir aşiqi bidar hanı? 
• Dün gecə nəşeyi-mey eylədi məxmur məni,
• Sizi Tanrı, ol xaneyi-xəmmar hanı? 
• Çox deyirsən ki, demə sirri-qəmi-eşqi Hüseyn,
• Mən ürəyi yanmışa bu taqəti-göftar hanı? 

          Huseyn ibn Mənsur Həllacdan tərcümə.

• Yarəb, endir qəzəbin, gəldi cana bəndələrin,
• Hətta, ol kəs ki, qoyub bəndə adın, dad eləyir. 
• Gün küsüb, yel dayanıb, hamı soyuq bir-birinə,
• O keçən günlərə bu xəlq ürəyin şad eləyir. 
• And içəndə birinə qurban edərdi canını,
• Əsl tip dildə qalır, zehn onu hey yad eləyir.
• İnam az-çox var idi xəlq arasında neçə növ,
• Örtür üstün inamın, dəhr onu bir ad eləyir. 
• Bilim hər kimsədə yox, faciəsi oldu betər,
• Eşqsiz əql gəlib insana imdam eləyir. 
• Biz deyirdik ki, bilim artıracaq zövqü səfa,
• Öldürür eşqi ürəkdə, dili ustad eləyir. 
• Heç kəs öz bildiyinə etmədi bir zərrə əməl,
• Odu gün batdı, qaranlıq quşu fəryad eləyir. 
• Hər yerindən duran öz əslinə quyruq yamadı,
• Dana hər kimsə kökün, cəhl evi bünyad eləyir. 
• Hər kim istər ki, edə gülşəni rizvan elini,
• Min tikanlar yolunu bir qədəm abad eləyir. 
• Azər övladı coşanda nə qiyamət qopacaq,
• Onda gör Cavidi ki, zülm evi bərbad eləyir.

• Addımın ilki, çətin odur ki,
• Aşiq olasan,
• İndi isə vəsl, ya hicran,
• İntizar ya...
• Hər halda
• Eşq insanı düz yaşadar.

• Dad əlindən ey fələk, bəs piri məstan hardadır?
• Dərdimə dərman edən ol ruyi-canan hardadır? 
• Qoyma sənsiz keçsin ömrüm, çünki qalmaz taqətim,
• Xəstə ruhumçün tərəhhüm eyləyən can hardadır? 
• Kimsə bilmir, bu şikəstə könlümü qəm yandırır,
• Mən susuz səhradəyəm, saqiyyi-ətşan hardadır? 
• Gəl, yetiş imdadıma, eşqin salıb atəşlərə,
• Hicrdə qan ağlaram, ol çeşmi-fəttan hardadır? 
• Qorxmaram min bir bəlayi-eşqdən, versin əzab,
• Gəl ki, hicran öldürür, bəs ədli-sultan hardadır? 
• Aşikarə sevdi yarın, Cavid oldu dəhrdə,
• Az qalıbdır kəşf edə, ol yari-pünhan hardadır?